“Azərpoçt” bayram günlərində vətəndaşlara xidmət göstərəcək
Bakı, 9 may, AZƏRTAC
Nəqliyyat, Rabitə və Yüksək Texnologiyalar Nazirliyinin tabeliyində olan “Azərpoçt” MMC 9 May - Qələbə Günü və Ramazan Bayramı günlərində növbəli iş rejimində fəaliyyət göstərəcək.
MMC-dən AZƏRTAC-a bildirilib ki, Bakı şəhərində yerləşən Mərkəzi Poçt Şöbəsi, 1 saylı poçt filialının 1,7,10,33, 2 saylı poçt filialının 9, 17, 73, 102, 111, 117, 122, 138 3 saylı poçt filialının 2(MXŞ), 34, 40, 104, 118, 119, 123, 132, 133, 142, 149, 4 saylı poçt filialının 39, 42, 44, 45, 77, 89, 90, 156, 5 saylı poçt filialının 63 (MXŞ), 3, 21, 80, 81, 83, 6 saylı poçt filialının 72(MXŞ), 8, 29, 52, 53, 54, 114, 115, 124, 130 saylı poçt şöbələri eləcə də regionlardakı mərkəzi xidmət şöbələri saat 10.00-dan 17.00-dək işləyəcək.
Adi günlərdə olduğu kimi, bayram günlərində də poçt şöbələrində əhaliyə poçt xidmətlərinin göstərilməsi - teleqramlar, məktublar, banderollar, bağlamalar, xüsusilə də bayram təbrikləri, əsgər göndərişləri, eləcə də pulköçürmələrinin ünvanı üzrə çatdırılması, kommunal xidmət haqlarının yığılması təmin ediləcək.
Bölmənin digər xəbərləri
