“Azərpoçt” MMC sentyabrın 1-dən yeni aksiyaya start verir
Bakı, 31 avqust, AZƏRTAC
“Azərpoçt” MMC sentyabrın 1-dən etibarən sürətli pul köçürməsi ilə pul göndərən və qəbul edən müştəriləri həvəsləndirmək məqsədilə yeni aksiyaya start verir.
Rabitə və Yüksək Texnologiyalar Nazirliyindən AZƏRTAC-a bildirilib ki, aksiyanın şərtlərinə görə, istənilən poçt şöbəsində “Zolotaya Korona” beynəlxalq pulköçürmə sistemi üzərindən pul göndərən və ya qəbul edən “Bakcell” şirkətinin hər bir “Ulduzum” istifadəçisi 5 (beş) şəbəkədaxili pulsuz dəqiqələr əldə edəcək.
Bunun üçün abunəçi mütləq öz “Bakcell” nömrəsini əməliyyatçıya təqdim etməlidir. Əldə olunan dəqiqələr yükləndikdən sonra 3 gün müddətində istifadə oluna bilər.
Qeyd edək ki, aksiya dekabrın 1-dək davam edəcək.
Bölmənin digər xəbərləri
