“Azerspace-2” peyki Kuru kosmodromundan orbitə buraxılıb
Bakı, 26 sentyabr, AZƏRTAC
Azərbaycanın “Azerspace-2” peyki Fransa Qvianasında yerləşən Kuru kosmodromundan orbitə buraxılıb.
AZƏRTAC TASS informasiya agentliyinə istinadla xəbər verir ki, “Azerspace-2” peyki orbitə “Arianespace” şirkətinə məxsus “Ariane-5″ daşıyıcı raketi ilə göndərilib. Bu, “Ariane-5" raket daşıyıcısı üçün yubiley - 100-cü buraxılış olub. Onun göyərtəsində iki telekommunikasiya peyki - “Azerspace-2” və “Horizons 3e” var. İkincisi Yaponiyaya məxsusdur.
“Azerspace-2” peyki 45° şərq uzunluğu orbital mövqeyində yerləşəcək və Avropa, Cənub-Qərbi Asiya, Yaxın Şərq və Afrika ölkələrini əhatə edəcək.
Bölmənin digər xəbərləri
