SİYASƏT
AZƏRTAC-ın materialları Balkan ölkələri mediasının xəbər qaynağıdır
Sarayevo, 15 iyul, AZƏRTAC
Son günlər Azərbaycan-Ermənistan sərhədində baş verənlər, Ermənistanın atəşkəs rejimini pozaraq Azərbaycan Silahlı Qüvvələrinə və dinc əhaliyə qarşı təxribat xarakterli hücumları dünya mətbuatının gündəmində qalmaqda davam edir.
AZƏRTAC xəbər verir ki, Bosniya və Herseqovinanın Federal Xəbərlər Agentliyində (FENA), “Vijesti.ba” və “Federalna.ba” informasiya portallarında “Azerbejdžan: Napadi Armenije dio agresivne politike” (“Azərbaycan: Ermənistanın hücumları təcavüzkar siyasətin tərkib hissəsidir”) başlıqlı məqalə dərc olunub.
Həmçinin Serbiyanın nüfuzlu “Balkanin” xəbər portalında AZƏRTAC-ın materiallarına istinadla Tovuzun Ağdam kəndində dinc əhalinin erməni hərbçiləri tərəfindən atəşə tutulması və nəticədə bir sakinin ölməsi, habelə Azərbaycan Silahlı Qüvvələrinin yüksək rütbəli zabitlərinin və hərbi qulluqçularının həlak olması barədə xəbərlər yerləşdirilib.
Aygün Əliyeva
AZƏRTAC-ın xüsusi müxbiri
Sarayevo