AZPROMO Tbilisidə keçirilən Yaponiya Biznes Forumunda iştirak edib
Bakı, 4 noyabr, AZƏRTAC
Yaponiya və Gürcüstan arasında diplomatik münasibətlərin qurulmasının 30 illiyi ilə əlaqədar Tbilisidə Yaponiya biznes forumu keçirilib. Tədbirdə bir sıra ölkələrdən dövlət rəsmiləri, özəl sektor təmsilçiləri, biznes və investisiya sahəsində fəaliyyət göstərən mütəxəssislər iştirak ediblər.
İxracın və İnvestisiyaların Təşviqi Agentliyindən (AZPROMO) AZƏRTAC-a bildirilib ki, qurumun icraçı direktorunun müşaviri Zöhrab Qədirov təqdimatla çıxış edərək, Azərbaycanda yaradılmış əlverişli biznes və investisiya mühiti, xarici tərəfdaşlarla qarşılıqlı əlaqələrin genişləndirilməsi, qeyri-neft sektoruna investisiya yatırımının artırılması istiqamətində AZPROMO tərəfindən görülən işlər barədə məlumat verib.
Bölmənin digər xəbərləri
