AZYAŞLI UŞAQ “JİQULİ”NİN QURBANI OLDU
AZƏRTAC xəbər verir ki, Gəncə şəhərinin Şahsevənlər küçəsində Camal Alıyev idarə etdiyi “VAZ-2106” markalı avtomaşınla 7 yaşlı İbrahim Verdiyevi vurmuşdur. Xəsarətlə xəstəxanaya yerləşdirilmiş İ.Verdiyevin həyatını xilas etmək mümkün olmamışdır.
Bakı-Quba yolunun Xızı rayonu ərazisindən keçən hissəsində isə Namiq Quliyevin “VAZ-2106” və Xaçmaz rayon sakini Şaban Cavadovun “Opel-Vektra” markalı avtomaşınları toqquşmuşdur. Xəsarət almış hər iki sürücü və sərnişinlər - Gülbahar Cavadova, onun qızı Gülşən xəstəxanaya yerləşdirilmişlər, vəziyyətləri orta ağırdır.
Hər iki faktla bağlı təhqiqat aparılır.
Bölmənin digər xəbərləri
