BAEA ORTA ŞƏRQDƏ NÜVƏ SİLAHI SAXLANMAYAN ZONA YARATMAĞA ÇAĞIRIR
Sənəddə Orta Şərq regionunda təminatların və nəzarətin həyata keçirilməsi sahəsində BAEA-nın səyləri və təminatlar haqqında saziş imzalanmasına bəzi ölkələrin müsbət yanaşması yüksək qiymətləndirilir. Qətnamədə regionun bütün dövlətləri BAEA ilə yaxından əməkdaşlıq etməyə və onların nüvə sahəsində fəaliyyətinə agentliyin nəzarətinə tabe olmağa çağrılır.
Konfransda “İsrailin nüvə potensialı və nüvə təhlükəsi” qətnaməsi yenə də qəbul edilməmişdir. İş yalnız sədrin qısa bəyanatının qəbul olunması ilə bitmişdir. Bəyanatda göstərilir ki, həmin məsələ növbəti iclasın gündəliyinə daxil ediləcəkdir. Beləliklə, İsrailin nüvə məsələsi BAEA baş konfransının gündəliyinə artıq 5-ci dəfə daxil edilsə də, bu barədə heç bir qətnamə qəbul olunmamışdır.
Konfransda bir sıra ərəb ölkələrinin nümayəndələri bu tədbirdə onların arzu və narahatlığından söhbət getməməsindən narazılığını bildirmişlər. Onlar İsrailin nüvə fəaliyyətinin BAEA-nın nəzarətinə keçirilməsini tələb etmişlər.
