Bakı Ali Neft Məktəbinin “AZE 86.6” komandası Panamada Azərbaycanı təmsil edir
Bakı, 7 noyabr, AZƏRTAC
SOCAR-ın Bakı Ali Neft Məktəbinin (BANM) “AZE 86.6” komandası Panama Respublikasında keçirilən Dünya Robot Olimpiadasında Azərbaycanı təmsil edir.
BANM-dən AZƏRTAC-a bildirilib ki, “AZE 86.6” komandasının üzvləri BANM-in kompüter mühəndisliyi ixtisasının tələbələri Əlehsan Əliyev, Emin Orucov və İsmayıl Mirzəağayevdir.
Qeyd edək ki, BANM tələbələri Bakıda VI Robot Olimpiadasının final mərhələsində “Future Engineers” kateqoriyasında I yerin qalibi olub və Panamada keçiriləcək final mərhələsində təmsil olunmaq hüququ qazanıblar.
Dünya Robot Olimpiadası noyabrın 9-dək davam edəcək.
Bölmənin digər xəbərləri
