BAKI BANKLARARASI VALYUTA BİRJASINDA HƏRRACLARIN YEKUNLARI
Birjanın informasiya-analitik şöbəsindən AZƏRTAC-ın müxbirinə bildirmişlər ki, səhər keçirilmiş səsli hərracların yekunlarına görə bağlanmış əqdlərin həcmi 1 milyon 45 min dollar təşkil etmişdir. Hərrac sessiyasının açılış məzənnəsi 1 ABŞ dolları üçün 4921 manata bərabər olmuşdur. Təklif 1 milyon 45 min dollar və tələb 980 min dollar olduğu halda, manatın məzənnəsi 1 bənd aşağı düşmüş və bir dollar üçün 4920 manat təşkil etmişdir.
Elektron hərraclarının birja sistemində (BEST) ABŞ valyutasının qiyməti 1 USD üçün 4921 manat həddində idi. USDAZM T+0 aləti üzrə BEST-də 2 milyon 447 min dollara bərabər məbləğ qeydə alınmışdır ki, bu da manat ekvivalenti ilə 12,042 milyard qədərdir. Bir əqdə, orta hesabla, 271,889 min dollar düşmüşdür.
USD/AZM T+1 və T+2 alətləri üzrə dilerlər tərəfindən tələb olmadığından əqdlər bağlanmamışdır.
BEST-də AVR/AZM TOM aləti üzrə 1 AVRO üçün 6016 manat məzənnə ilə ümumən 27 min AVRO məbləğində əqd bağlanmışdır.
BEST-də RUR/AZM aləti üzrə banklar sifariş verməmişlər.
Banklar BEST sistemi çərçivəsində fəaliyyət göstərən banklararası kredit bazarında ümumən 3,118 milyard manat məbləğində kreditlər cəlb etmək və yerləşdirmək üçün sifarişlər vermişlər.
Dekabrın 12-də birjada banklar arasında kredit alətləri üzrə əqdlər bağlanmamışdır.
Bölmənin digər xəbərləri
