BAKI BRİTANİYA MƏKTƏBİNİN (BRİTİSH SCHOOL İN BAKU) YARADILMASININ BİR İLLİYİ QEYD OLUNMUŞDUR
AZƏRTAC xəbər verir ki, Odlar Yurdu Universitetində Bakı Britaniya Məktəbinin (British School in Baku) yaradılmasının bir illiyinə həsr olunmuş tədbir keçirilmişdir.
Universitetin prorektoru, məktəbin icra ofisinin rəhbəri Samir Vəliyev ölkəmizdə təhsilin inkişafına göstərilən dövlət qayğısından danışmış, əlamətdar gün münasibətilə müəllim və şagirdləri təbrik etmişdir.
Məktəbin direktoru Deyvid Dreper təhsil müəssisəsinin fəaliyyəti, burada qazanılan nailiyyətlər barədə ətraflı məlumat vermişdir.
Ümumtəhsil müəssisəsi olan Bakı Britaniya Məktəbinin şagirdlərinin əksəriyyəti xarici ölkə vətəndaşlarıdır. Böyük Britaniya və Azərbaycan milli tədris proqramları əsasında ingilis və Azərbaycan dillərində təhsil alırlar. Burada məzunlara Azərbaycan milli attestatı ilə yanaşı, Böyük Britaniyanın İGCSE və A Level diplomları da verilir.
Digər çıxış edənlər də xoş arzularını bildirmişlər.
Sonra məktəbin tədris şəraitini əks etdirən slayd nümayiş etdirilmiş, təhsildə fərqlənən şagirdlərə mükafatlar təqdim olunmuşdur.
Bölmənin digər xəbərləri
