BAKI DÖVLƏT SİRKİNDƏ YENİ MÖVSÜM AÇILMIŞDIR
Bakı Dövlət Sirkində yeni mövsüm açılmışdır. Rusiya Federasiyasının xalq artistləri Aynay İbrahimova və Adam Visitayevin başçılaığı ilə məşhur Moskva sirkinin bir qrup artisti paytaxtımıza gəlmişdir.
Onlar, əsasən, yeniyetmələrdən ibarət olan tamaşaçılara ayıların, meymunların, zebrlərin, pumaların - Amerika vəhşi pişiklərinin, oxlu kirpilərin, pişiklərin və itlərin iştirakı ilə 12 nömrə nümayiş etdirmişlər.
Adı Ginnesin rekordlar kitabına düşmüş Adam Visitayev kəndirbazlıq və atsürmə məharəti ilə hamını heyran qoymuşdur. Proqramda klounlar - çoxsaylı beynəlxalq müsabiqələrin laureatları Vladimir və Natalya Zauqolnikovlar da iştirak edirlər.
Moskva sirkinin qastrolları bir aydan çox davam edəcəkdir.
Bölmənin digər xəbərləri
