BAKI FOND BİRJASININ MƏLUMATI
Azərbaycan Respublikasının Prezidenti yanında Qiymətli Kağızlar üzrə Dövlət Komitəsi tərəfindən təsdiq edilmiş “Dövlət qısamüddətli istiqrazların buraxılışı, yerləşdirilməsi və tədavülü haqqında” Əsasnaməyə və Maliyyə Nazirliyi ilə bağlanmış müqaviləyə uyğun olaraq, iyulun 22-də Bakı Fond Birjasında Maliyyə Nazirliyinin 10201604S nömrəli dövlət qeydiyyatından keçmiş qısamüddətli dövlət istiqrazlarının yerləşdirilməsi üzrə hərrac keçirilmişdir.
Hərracda 15 iştirakçı çıxış etmişdir. Sifarişlərin nominal üzrə ümumi məbləği 21 939 000 000 manat olmuşdur.
Sifarişlər 96,59 faiz (gəlirlik 14,00 faiz) - 96,47 faiz (gəlirlik 14,51 faiz) qiymət intervalında təqdim edilmişdir.
İstiqraz vərəqələrinin rəqabətli sifarişlər üzrə kəsmə qiymət 96,47 faiz (gəlirlik 14,51 faiz), orta ölçülmüş qiymət 96,55 faiz (gəlirlik 14,17 faiz) səviyyəsində Maliyyə Nazirliyi tərəfindən müəyyən edilmişdir.
İstiqrazların nominal üzrə reallaşdırılmış həcmi, 2 066 000 000 manat həcmində qeyri-rəqabətli sifarişlər daxil olmaqla, 20 000 000 000 manat məbləğində müəyyən olunmuşdur.
İstiqraz vərəqələrinin ödəmə tarixi 22 oktyabr 2002-ci ildir.
İstiqraz vərəqələrinə mülkiyyət hüquqları depozitaridə “Depo” hesablarında yazı formasında qeyd edilir.
Bölmənin digər xəbərləri
