Bakı Metropoliteni iki yeni elektrik deposu tikir
Bakı, 21 noyabr (AZƏRTAC). Bakı Metropolitenində Qırmızı və Yaşıl xətlərin ayrılması, eləcə də yeni Bənövşəyi xəttin tikintisi çərçivəsində iki yeni elektrik deposu inşa olunur.
Bakı Metropoliteninin mətbuat xidmətindən AZƏRTAC-a bildirilmişdir ki, metropolitenin inkişaf planında iki yeni deponun - “Dərnəgül” və “Xocasən” depolarının tikintisi nəzərdə tutulmuşdur.
Hazırda fəaliyyət göstərən xətdə yerləşən “Dərnəgül” deposunun tikintisi sürətlə davam etdirilir. Həmçinin Bənövşəyi xətt üzərində yerləşəcək “Xocasən” deposunun tikintisi çərçivəsində layihə işləri tamamlanmaq üzrədir və yaxın vaxtlarda əsas tikinti işlərinə başlanacağı gözlənilir.
Bu gün Bakı Metropoliteninin balansında cəmi bir elektrik deposu vardır.
Bölmənin digər xəbərləri
