Bakı Musiqi Akademiyasında 31 mart soyqırımı qurbanlarının xatirəsi anılıb
Bakı, 31 mart, AZƏRTAC
Martın 31-də Ü.Hacıbəyli adına Bakı Musiqi Akademiyasında (BMA) 31 Mart- Azərbaycanlıların Soyqırımı Gününə həsr olunmuş tədbir keçirilib.
AZƏRTAC xəbər verir ki, BMA-nın rektoru, Xalq Artisti Fərhad Bədəlbəyli 31 mart soyqırımı haqqında məlumat verib.
Vurğulayıb ki, erməni qəsbkarları tarixboyu vətənimizə və xalqımıza qarşı məkrli addımlar ataraq qırğın və soyqırımlar həyata keçiriblər.
Daha sonra BMA-nın elmi işlər üzrə prorektoru, professor Gülnaz Abdullazadə, akademiyanın kafedra müdiri professor Tərlan Quliyev və Əməkdar İncəsənət Xadimi, professor Telman Hacıyevin 31 mart soyqırımı ilə bağlı məruzələri dinlənilib.
Çıxışlarda zaman-zaman ermənilərin Azərbaycan xalqına qarşı törətdikləri soyqırımı hadisələrindən, daim soydaşlarımıza qarşı məkrli və təcavüzkar planlar həyata keçirdiklərindən söz açılıb.
Bölmənin digər xəbərləri
