BAKI MUSİQİ AKADEMİYASININ BİNASINDA YANĞIN BAŞ VERMİŞDİR
Noyabrın 25-də gecə Bakı Musiqi Akademiyasının opera studiyası yerləşən korpusunda yanğın baş vermişdir.
Daxili İşlər Nazirliyinin Baş Dövlət Yanğın Təhlükəsizliyi İdarəsinin ictimai əlaqələr şöbəsinin rəisi, polkovnik-leytenant Ağəli İsmayılovun AZƏRTAC-ın müxbirinə verdiyi məlumata görə, saat 23.41-də yanğının baş verməsi barədə məlumat daxil olmuşdur. Yanğınsöndürənlər dərhal hadisə yerinə gəlmişlər. Yanğının başvermə səbəbi hələlik məlum deyil, təhqiqat aparılır. Onun dediyinə görə, yanğın baş verərkən binada heç kim olmamışdır. Hadisə yerinə 20-dək yanğınsöndürən maşın gətirilmişdir. Yol polisi əməkdaşlarının operativ işi sayəsində yanğınsöndürmə texnikasının hadisə yerinə çatdırılması üçün bütün tədbirlər görülmüşdür.
Baş nazirin müavini, Fövqəladə Hallar üzrə Dövlət Komissiyasının sədri Abid Şərifov, habelə təcili tibbi yardım, qaz və elektrik enerjisi təchizatı xidmətlərinin nümayəndələri hadisə yerində idilər.
Gecə saat 1.20-də yanğın söndürülmüşdür.
Bölmənin digər xəbərləri
