“BAKI” QƏZA-XİLASETMƏ GƏMİSİ OKTYABRDA AZƏRBAYCANA GƏTİRİLƏCƏKDİR
Azərbaycan Respublikası Dövlət Neft Şirkətindən AZƏRTAC-a bildirmişlər ki, Sinqapurun “Prezident” gəmi tikinti zavodunda “Bakı” qəza-xilasetmə gəmisinin təhvilvermə mərasimi keçirilmişdir. “Xəzərdənizneftdonanma” – BUE Caspian Alyansının sifarişinə əsasən tikilmiş gəminin gələn ay Azərbaycana çatması nəzərdə tutulmuşdur.
“Bakı” gəmisinin tikintisi bp-Azərbaycan şirkəti ilə imzalanmış sazişə əsasən sifariş edilmişdi. Gəmi “Azəri-Çıraq-Günəşli” və “Şahdəniz” yataqlarında iş növbəsinə başlayacaqdır.
Xəzərdə oxşarı olmayan bu müasir gəminin heyətinin əsas hissəsi azərbaycanlı mütəxəssislərdən ibarət olacaqdır.
Bölmənin digər xəbərləri
