Bakıda atçılığın konkur növü üzrə beynəlxalq turnir keçiriləcəkdir
Bakı, 11 may (AZƏRTAC). Mayın 12-dən 14-dək Bakıdakı “Sərhədçi” Atçılıq Mərkəzində atçılığın konkur növü üzrə “Bahar kuboku” beynəlxalq turniri keçiriləcəkdir.
AZƏRTAC xəbər verir ki, CSİ3* kateqoriyalı turnirdə Azərbaycan idmançıları ilə yanaşı Gürcüstan və Polşadan olan çaparlar da iştirak edəcəklər.
Səkkiz idmançının 20 atla mübarizə aparacağı turniri Türkiyə, İran və Yunanıstandan dəvət olunmuş hakimlər briqadası idarə edəcəkdir.
Turnirin ümumi mükafat fondu 156 min ABŞ dolları təşkil edir.
Bölmənin digər xəbərləri
