Bakıda “II Qoşulmama Hərəkatı Gənclər Həftəsi”nin açılış mərasimi keçirilir VİDEO
Bakı, 5 fevral, AZƏRTAC
Fevralın 5-də Bakı Konqres Mərkəzində “II Qoşulmama Hərəkatı Gənclər Həftəsi”nin açılış mərasimi keçirilir.
AZƏRTAC xəbər verir ki, Qoşulmama Hərəkatı Gənclər Təşkilatının (QHGT) təşkilatçılığı ilə 2 Fevral – Azərbaycan Gəncləri Gününə həsr olunan tədbir gəncləri, dövlət və özəl sektor nümayəndələrini, o cümlədən beynəlxalq təşkilatları bir araya gətirib.
Tədbirdə çıxış edən QHGT-nin sədri, COP29-un iqlim üzrə gənclər çempionu Leyla Həsənova bildirib ki, “II Qoşulmama Hərəkatı Gənclər Həftəsi” çərçivəsində panel müzakirələri, interaktiv sessiyalar və seminarlar vasitəsilə proqram iştirakçıları beynəlxalq əlaqələr, dayanıqlı təcrübələrin təşviqi, yaşıl enerji keçidi və şəhərsalma kimi bir sıra aktual mövzularla bağlı bilik və bacarıqlara yiyələnəcəklər. Layihə çərçivəsində keçiriləcək təlimlər gənclər arasında elm, diplomatiya və kommunikasiyanın dövrümüzdəki əvəzsiz rolu, o cümlədən dayanıqlı şəhərlərin inkişafı üçün innovativ həllərlə bağlı vacib müzakirələrə təkan verəcək.
Qeyd edək ki, ötən il region gəncləri daxil olmaqla, yüzə yaxın gəncin iştirakı ilə keçirilmiş "Qoşulmama Hərəkatı Gənclər Həftəsi" növbəti dəfə bu il fevralın 5-dən 7-dək Bakı şəhərində davam edəcək.
Bölmənin digər xəbərləri
