Donald Tramp: Prezident Si ilə yaxşı münasibətlərim var
Vaşinqton, 4 fevral, AZƏRTAC
Apreldə Çinə səfərimi səbirsizliklə gözləyirəm.
AZƏRTAC-ın məlumatına görə, ABŞ Prezidenti Donald Tramp “Truth” sosial mediasında Çin lideri ilə telefon danışığı barədə məlumat verərkən belə deyib.
Tramp Çin lideri ilə uzun və hərtərəfli söhbətində bir çox sahələr üzrə əməkdaşlığın nəzərdən keçirildiyini qeyd edib. Tayvan məsələsi, Rusiya-Ukrayna müharibəsi, İrandakı mövcud vəziyyət də liderlərin müzakirə mövzusu olub.
“Prezident Si ilə son dərəcə yaxşı münasibətlərim var və hər ikimiz bu əlaqələrin nə qədər vacib olduğunu başa düşürük. İnanıram ki, prezidentliyimin növbəti üç ilində Prezident Si və Çin Xalq Respublikası ilə bağlı bir çox müsbət nəticələr əldə ediləcək”,- deyə Donald Tramp əlavə edib.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
