Bakıda Polşanın görkəmli qadınlarının həyat və nailiyyətlərindən bəhs edən sərgi açılacaq
Bakı, 4 noyabr, AZƏRTAC
Noyabrın 6-da Polşanın Azərbaycandakı səfirliyinin təşkilatçılığı ilə “Hüma Art Room” qalereyasında “Görkəmli polyak qadınları” layihəsi çərçivəsində eyniadlı sərgi keçiriləcək.
AZƏRTAC xəbər verir ki, sərgi dünyanı yaxşılığa doğru dəyişmək cəsarəti və arzusu olan Polşanın görkəmli qadınlarının həyatı və nailiyyətləri ilə tanış olmaq imkanı verəcək.
Tədbirdə təqdim olunacaq görkəmli qadınların hekayələrinin hamısı təsirli və ruhlandırıcıdır, eyni zamanda, onların öz arzularının arxasınca gedə və müxtəlif istiqamətlərdə, o cümlədən ənənəvi olaraq “kişilərə” məxsus olduğu hesab edilən sahələrdə uğur qazana bildiyini nümayiş etdirir.
Bölmənin digər xəbərləri
