Bakının ictimai iaşə dövriyyəsi 8,9 faiz artıb
Bakı, 28 fevral, AZƏRTAC
2020-ci ilin yanvar ayında paytaxtın ictimai iaşə dövriyyəsi 2019-cu ilin eyni dövrü ilə müqayisədə real ifadədə 8,9 faiz artaraq 72,5 milyon manat olub.
AZƏRTAC Bakı Şəhər Statistika İdarəsinin yaydığı məlumata istinadla xəbər verir ki, özəl sektorda ictimai iaşə dövriyyəsinin 55,4 faizi hüquqi şəxs statuslu müəssisələrin, 44,6 faizi isə bu sahədə sahibkarlıq fəaliyyəti ilə məşğul olan fərdi sahibkarların payına düşür. Hüquqi şəxs statuslu müəssisələrdə dövriyyə 40,4 milyon manat təşkil edib.
Bölmənin digər xəbərləri
