“Baku Open 2015” beynəlxalq şahmat turnirinin qalibi məlum oldu
Bakı, 9 oktyabr, AZƏRTAC
“Baku Open 2015” beynəlxalq şahmat turnirinin “A” qrupunda iranlı qrossmeyster Ehsan Qaem Naqami qalib gəlib.
Azərbaycan paytaxtında ölkəmizin dövlət müstəqilliyinin bərpasının 24-cü ildönümünə həsr olunmuş ənənəvi “Baku Open” beynəlxalq şahmat turniri başa çatıb.
AZƏRTAC xəbər verir ki, yarış Xəzər dənizinin sahilində, Novxanı qəsəbəsindəki “AF Hotel” mehmanxanasında keçirilirdi.
İki qrupda keçirilən əsas “A” turnirində 10 ölkədən 59 şahmatçı, o cümlədən 23 qrossmeyster iştirak edirdi.
Ehsan Qaem Maqami 9 mümkün xaldan 6,5 xal yığıb. Azərbaycan qrossmeysteri Nicat Abbasov və hindistanlı Başkaran Adxiban da eyni nəticə göstərib. Altı şahmatçının hər biri liderlərdən yarım xal geri qalıb, Azərbaycan nümayəndəsi Vüqar Rəsulov da daxil olmaqla daha dörd şahmatçı liderlərdən bir xal az toplayıb.
Bölmənin digər xəbərləri
