“Baku United” komandası İngiltərə futzal liqasında uğurlu çıxışını davam etdirir
Bakı, 18 noyabr (AZƏRTAC). İngiltərə futzal liqasında çıxış edən “Baku United” komandası ölkə çempionatında liderliyini davam etdirir.
AZƏRTAC xəbər verir ki, cənub qrupunun favoriti olan komanda carı mövsümdə 5 oyun keçirmiş və onların hamısında böyük hesablı qələbə qazanmışdır. Noyabrın 17-də komanda “City of London” kollektivini 12:0 hesabı ilə məğlub edərək onu qrupun aşağı pilləsinə endirmişdir. Bundan əvvəl “Kaunas”ı 13:0, “Helvesia”nı 4:2, “Siauliai”ni 11:2, “Genezis”i 11:2 hesabı ilə üstələyən “Baku United” 2013-2014-cü il mövsümünün ən çox xal yığan klubudur.
Komanda bu mövsümdə də İngiltərə çempionu olmaq niyyətindədir. Məqsədə nail olmaq üçün komanda heyəti yeni oyunçular hesabına gücləndirilir və əsas heyətə İspaniya yığmasından iki oyunçu və digər futzalçılar cəlb olunmuşdur. İspaniyalı məşhur məşqçi Çama Himenez komandanın məşq qrafikini gücləndirmişdir.
“Baku United” İngiltərədə fəaliyyət göstərən “Odlar Yurdu” təşkilatı tərəfindən yaradılmışdır.
Bölmənin digər xəbərləri
