MƏDƏNİYYƏT
“Balaca” qısametrajlı bədii filmi beynəlxalq festivala dəvət alıb
Bakı, 29 oktyabr, AZƏRTAC
Cəfər Cabbarlı adına “Azərbaycanfilm” kinostudiyasının nəzdində fəaliyyət göstərən Gənc Sinemaçılar Klubu tərəfindən Mədəniyyət Nazirliyinin dəstəyi ilə çəkilmiş “Balaca” qısametrajlı bədii filmi Türkiyədə keçiriləcək 8-ci Malatya Beynəlxalq Film Festivalının müsabiqə bölməsinə dəvət alıb.
Kinostudiyadan AZƏRTAC-a bildirilib ki, filmin ssenari müəllifi Ruslan Ağazadə, rejissorları Ruslan Ağazadə və Orxan Ağazadə, icraçı prodüseri Orxan Əliyev, bədii rəhbəri Elçin Musaoğlu, prodüseri Müşfiq Hətəmovdur.
Rolları Qüdrət Əsəd, Nərmin Həbibova, Elman Şeydayev, Səyyad Əliyev və başqaları canlandırıblar.