“Goldman Sachs” neft qiymətlərinə dair proqnozunu aşağı salıb
Bakı, 12 iyun, AZƏRTAC
ABŞ-nin qabaqcıl investisiya banklarından olan “Goldman Sachs” 2027-ci il üzrə xam neft qiymətləri ilə bağlı proqnozunu aşağı salıb.
AZƏRTAC xəbər verir ki, bank təklifin artması və tələbatın azalması səbəbindən neft qiymətlərinə dair proqnozunu 5 dollar endirib. Gələn il “Brent” markalı xam neftin bir barelinin orta qiymətinin 80 dollar, “Light” markalı neftin qiymətinin isə 75 dollar olacağı proqnozlaşdırılır.
“Goldman Sachs” OPEC-ə üzvlükdən çıxdıqdan sonra Birləşmiş Ərəb Əmirlikləri ilə bağlı istehsal proqnozunu artırıb. Həmçinin Braziliya, Qayana və Venesuela üçün də hasilat proqnozları yüksəldilib.
“Hörmüz boğazının yenidən açılacağı təqdirdə sonrakı aylarda qlobal istehlakda canlanma olsa da, ən böyük idxalçı olan Çində tələbat azalacaq. Hörmüz şoku, xüsusən də müharibənin başlanğıcından bəri avtomobil satışlarında elektrikli nəqliyyat vasitələrinin payının artdığı Çində neft alternativlərinə keçidi sürətləndirdiyindən, 2027-ci ildə tələbatdakı azalmanın 10 faizdən bir qədər yuxarı qalacağı gözlənilir. Ölkələr neft ehtiyatlarını doldurduqca və Körfəzdən tədarüklə əlaqəli risk qorunduqca gündəlik 3,5 milyon barel artıqlığa baxmayaraq, neft qiymətləri 2027-ci ildə dayanıqlı qalacaq. Bu rüb ərzində gündəlik 5-6 milyon barel kəsir proqnozlaşdırılır. Körfəz istehsalçılarından neft ixracı isə avqustun sonuna qədər normal vəziyyətə qayıdacaq”, - deyə bankın analitikləri bildirirlər.
Bölmənin digər xəbərləri
