BALAKƏN FERMERLƏRİ REKORD MİQDARDA QARĞIDALI MƏHSULU GÖTÜRMÜŞLƏR
Balakən rayonunun təsərrüfatlarında qarğıdalı yığımı müvəffəqiyyətlə başa çatmışdır. Cari ildə ötən ilə nisbətən 499 hektar çox, 4.992 hektar sahədə qarğıdalı əkilmişdi. Fermerlər rekord miqdarda - 21 min 518 ton dən qarğıdalı istehsal etmişlər. Bu, 2007-ci ilin göstəriciləri ilə müqayisədə 7 min 629 ton çoxdur. Hər hektardan orta məhsuldarlıq 43,1 sentner təşkil etmişdir.
Rayon icra hakimiyyətinin aqrar məsələlər şöbəsindən AZƏRTAC-a bildirmişlər ki, Balakəndə yeni istifadəyə verilmiş “Azəryemsənaye” MMC-nin yem istehsalı fabrikinin işə düşməsi qarğıdalı istehsalının artmasına səbəb olmuş, eyni zamanda, heyvandarlıq sahəsini yüksək keyfiyyətli qüvvəli yemlə təmin etməyə imkan vermişdir.
MMC tərəfindən bu il rayona məhsuldar qarğıdalı toxumu gətirilərək, 300 hektar sahədə sınaq əkini aparılmış və yüksək nəticə əldə edilmişdir. Gələcəkdə digər təsərrüfatların da bu toxumla təchiz edilməsi nəzərdə tutulur.
Bölmənin digər xəbərləri
