BALAKƏN İSTİXANALARINDA TƏRƏVƏZ YIĞIMINA BAŞLANMIŞDIR
Balakən, 16 aprel (AZƏRTAC). Balakən rayonunun şəxsi təsərrüfatlarında bir neçə gündür ki, istixana şəraitində yetişdirilmiş tərəvəz yığımına başlanmışdır.
Hələlik gün ərzində istixanalardan bir neçə ton xiyar yığılır. Yaxın günlərdə bu rəqəmin daha da artacağı gözlənilir. Məhsul satış üçün əsasən daxili bazara göndərilir.
Xatırladaq ki, istixana şəraitində tərəvəz istehsalı Balakəndə kənd əhalisinin əsas məşğuliyyət sahəsi və gəlir mənbələrindən biridir. 2009-cu ildə rayonda istehsal olunmuş 21 min 484 ton tərəvəz məhsulunun xeyli hissəsi bu yolla becərilmişdir.
Bölmənin digər xəbərləri
