Balakəndə yaş barama tədarükünə başlanılıb
Balakən, 3 iyun, Mustafa Dadaşov, AZƏRTAC
Balakən rayonunda istehsalçılardan yaş barama tədarükünə başlanılıb. Mövsümün ilk günündə kümçülər tərəfindən rayondakı qəbul məntəqəsinə 804 kiloqram yaş barama təhvil verilib.
Bu barədə AZƏRTAC-ın bölgə müxbirinə Balakən Rayon İcra Hakimiyyətindən məlumat verilib.
Qurumdan bildirilib ki, builki mövsümdə rayonda barama yetişdirmək üçün 169 kümçü ilə müqavilə bağlanılıb, onlara 600 qutu ipəkqurdu paylanılıb.
Mövsümün ilk günündə Tülü kəndindən Vüqar Köklərov məntəqəyə 136 kiloqram, Püştətala kəndindən Vüsal Şabanov 83 kiloqram, Talalar kəndindən Afət Həsənova 74 kiloqram yaş barama təhvil veriblər. Məntəqədə yaş baramanın qəbulu “Azəripək” ASC-nin tədarük üzrə mütəxəssisinin iştirakı ilə həyata keçirilib.
Bölmənin digər xəbərləri
