BARAK OBAMA DEMOKRATLAR PARTİYASINDAN ABŞ PREZİDENTLİYİNƏ VAHİD NAMİZƏDDİR
Bu ilin noyabr ayında ABŞ-da prezident seçkilərində Demokratlar Partiyasının iştirak edəcək vahid namizədi dəqiqləşmişdir. Çərşənbə axşamı Cənubi Dakota və Montana ştatlarında keçirilən səsvermədən sonra ilkin seçkilər mərhələsində Barak Obamanın 2156, Hillari Klintonun isə 1923 seçici səsi topladığı müəyyən edilmişdir. Xatırladaq ki, partiyanın dəstəyini 2118 seçici səsi toplayan namizəd qazanır.
Beləliklə, 17 ay davam edən gərgin siyasi mübarizədə senator Klintona qalib gələn onun qaradərili həmkarı Barak Obama Demokratlar Partiyasından ABŞ prezidentliyinə namizədliyi qazanmışdır.
Sabiq birinci xanım Hillari Klintonun seçkiqabağı kampaniyasından alınan məlumata görə, o, bununla kifayətlənmək fikrində deyildir. Xanım Klinton seçkilərə Barak Obamanın vitse-prezidenti kimi də gedəcəyini istisna etmir.
Bölmənin digər xəbərləri
