“Başakşəhər” məşqçisini itirmək istəmir
Bakı, 18 yanvar, AZƏRTAC
İstanbulun “Başakşəhər” futbol klubu baş məşqçi Abdullah Avcı ilə müqaviləni yeniləyib.
AZƏRTAC klubun rəsmi saytına istinadla xəbər verir ki, 55 yaşlı mütəxəssislə beşillik müqavilə imzalanıb.
Baş məşqçi karyerasına 2005-ci ildə 17 yaşadək futbolçulardan ibarət Türkiyə millisində başlayıb. Türk mütəxəssis 2006-2011-ci illərdə “Başakşəhər” klubunun məşqçisi, 2011-2013-cü illərdə isə Türkiyə milli komandasının baş məşqçisi vəzifəsində çalışıb. Avcı 2014-cü ildə yenidən “Başakşəhər” klubuna qayıdıb.
Qeyd edək ki, İstanbul klubu cari mövsüm keçirdiyi 17 oyundan 35 xal toplayaraq turnir cədvəlinə liderlik edir. Klub ən yaxın izləyicisi “Trabzonspor”u 6 xal qabaqlayır.
Bölmənin digər xəbərləri
