BDU-da elmi seminar: Çovdar filiz sahəsinin geoloji-geofiziki materiallar əsasında tədqiqi
Bakı, 1 noyabr, AZƏRTAC
Bakı Dövlət Universitetinin (BDU) Geologiya fakültəsində “Çovdar filiz sahəsinin geoloji-geofiziki materiallar əsasında tədqiqi” mövzusunda elmi seminar keçirilib.
BDU-dan AZƏRTAC-a bildiriblər ki, seminarda Kompleks geoloji-geofiziki tədqiqatlar ETL-in böyük elmi işçisi, professor Nazim İmamverdiyevin mövzu üzrə məruzəsi dinlənilib.
Məruzəçi Çovdar qızıl yatağının geoloji quruluşu, onu təşkil edən süxurların petrogeokimyəvi xüsusiyyətləri, yataqdakı filizlər, onların tərkibi, 3D formasında filiz kütləsinin forması və əmələgəlmə məsələləri haqqında məlumat verib.
Qeyd edilib ki, Çovdar filiz sahəsində aparılan geoloji-geofiziki tədqiqatların, dağ qazmalarının, buruq quyularının sınaqlaşdırılması ilə aparılan analizlərin nəticəsi bu rayonun potensial perspektivli olduğunu göstərir. Buna sübut son zamanlar filiz rayonunda yeni Sarıyoxuş və Mərəh yataqlarının kəşf olunmasıdır.
Sonra məruzə ətrafında müzakirələr aparılıb.
Bölmənin digər xəbərləri
