BDU Əskişəhər Texniki Universiteti ilə əməkdaşlıq edəcək
Bakı, 4 noyabr, AZƏRTAC
Bakı Dövlət Universiteti (BDU) ilə Türkiyənin Əskişəhər Texniki Universiteti arasında anlaşma memorandumu imzalanıb.
Bu barədə AZƏRTAC-a BDU-dan məlumat verilib. Bildirilib ki, BDU dünyanın nüfuzlu elm və təhsil müəssisələri arasında ikitərəfli və çoxtərəfli əməkdaşlığın genişləndirilməsinə, qarşılıqlı elm, təhsil mübadiləsinin təmin olunmasına, beynəlxalq əlaqələrin inkişaf etdirilməsinə daim önəm verir. Beynəlxalq əməkdaşlıq universitetin inkişaf strategiyasında prioritet məsələ hesab olunur.
Sənədi BDU-nun rektoru Elçin Babayev və Əskişəhər Texniki Universitetinin rektoru Tuncay Döğeroğlu imzalayıblar. Memorandumda tərəflər arasında elm, tǝhsil, mǝdǝniyyǝt sahǝlǝrində müştərək layihələrin icra edilməsi, akademik, elmi və mədəni mübadilə imkanlarının inkişafı, elmi-tədqiqat işlərində əməkdaşlıq, müəllim-tələbə mübadiləsinin həyata keçirilməsi və s. nəzərdə tutulur.
Bölmənin digər xəbərləri
