BELARUS RESPUBLİKASININ PREZİDENTİ ZATİ-ALİLƏRİ CƏNAB ALEKSANDR LUKAŞENKOYA
Hörmətli Aleksandr Qriqoryeviç,
Belarus Respublikasının Prezidenti vəzifəsinə yenidən seçilməyiniz münasibətilə Sizi ürəkdən təbrik edirəm.
Prezident seçkilərində Sizin qələbəniz ölkənin müstəqilliyi və suverenliyinin möhkəmlənməsinə, sosial-iqtisadi dəyişikliklərin həyata keçirilməsinə yönəldilmiş xəttinizin Belarusun qardaş xalqı tərəfindən dəstəkləndiyinə sübutdur.
Əminəm ki, ölkələrimiz arasındakı ənənəvi dostluq münasibətləri xalqlarımızın, dövlətlərimizin rifahı naminə bundan sonra da inkişaf edəcək və möhkəmlənəcəkdir.
Sizə möhkəm cansağlığı, səadət və dövlət fəaliyyətinizdə yeni-yeni uğurlar arzulayıram.
Hörmətlə,
Heydər ƏLİYEV
Azərbaycan Respublikasının Prezidenti
Bakı şəhəri, 10 sentyabr 2001-ci il.
Bölmənin digər xəbərləri
