SİYASƏT
BELÇİKADA TÜRK VƏ AZƏRBAYCAN CƏMİYYƏTLƏRİ BİRGƏ MİTİNQ KEÇİRMİŞLƏR
Belçika Türk Platformu və “Avropa Azərbaycanlıları Mərkəzi” oktyabrın 19-da Brüsseldə Avropa Parlamenti binası qarşısında izdihamlı mitinq keçirmişlər.
Xarici Ölkələrdə Yaşayan Azərbaycanlılarla İş üzrə Dövlət Komitəsinin mətbuat xidmətindən AZƏRTAC-a bildirmişlər ki, aksiyada həmin gün Avropa Parlamentinin binasında dünya ermənilərinin konqresinin keçirilməsinə etiraz bildirilmişdir. Belçikada yaşayan türklərin və azərbaycanlıların bu tədbiri keçirməkdə məqsədləri ermənilərin törətdiyi vəhşilikləri bir daha Avropa ictimaiyyətinin diqqətinə çatdırmaqdır. Lüksemburq Palasda erməni silahlı birləşmələrinin törətdikləri Xocalı faciəsi ilə bağlı rəsmlər, fotoşəkillər nümayiş etdirilmişdir.