BƏLƏDİYYƏLƏRİN FƏALİYYƏTİNİN TƏKMİLLƏŞDİRİLMƏSİ ÜÇÜN TƏDBİRLƏR GÖRÜLÜR
AZƏRTAC xəbər verir ki, bu ilin birinci yarısında Ədliyyə Nazirliyinin bələdiyyələrlə iş mərkəzi yerli özünüidarə orqanlarına metodoloji yardımın göstərilməsi və bələdiyyələrin fəaliyyətinə inzibati nəzarətin gücləndirilməsi məqsədilə regionlarda 20-dən çox zona seminarı keçirmişdir. Bələdiyyə üzvləri və bələdiyyə qulluqçuları Hüquq Tədris Mərkəzində ixtisasartırma kurslarına cəlb edilmiş, 9 minə yaxın bələdiyyə aktına baxılmış, nazirliyin təklifi əsasında onların 140-ı ləğv edilmiş və ya dəyişdirilmişdir. Bəzi aktların ləğvi ilə bağlı iddialar qaldırılmış, bələdiyyə aktlarını vaxtında təqdim etməyən 44 bələdiyyə sədri barəsində müvafiq protokollar tərtib edilərək məhkəmələrə göndərilmişdir.
İnzibati nəzarət qaydasında aparılmış araşdırmalar nəticəsində müəyyən edilmiş maliyyə çatışmazlığı yerli büdcələrə ödətdirilmiş, 7 bələdiyyənin fəaliyyətindəki ciddi qanun pozuntuları barədə müvafiq sənədlər isə prokurorluq orqanlarında təhqiq olunacaqdır.
