BƏRDƏ RAYONUNDA 26 MİN 337 HEKTAR SAHƏDƏ PAYIZLIQ TAXIL ƏKİLMİŞDİR
Ölkədə taxılçılığın inkişafına dövlət tərəfindən göstərilən qayğı Bərdədə bu sahəyə marağı artırmışdır.
Rayon statistika idarəsindən AZƏRTAC-a bildirmişlər ki, taxılçı fermerlər 2009-cu ilin məhsulu üçün 27 min hektar sahədə şumlama işləri aparmışlar. Şumlanmış sahələrin 26 min 337 hektarında taxıl səpini başa çatmışdır. Taxıl sahələrinin 24 min 807 hektarı buğda, 1530 hektarı arpa üçün ayrılmışdır.
Xatırladaq ki, ötən il rayonda 21 min 631 hektar sahədə taxıl əkilmiş və 70 min 312 ton məhsul əldə olunmuşdur.
Bölmənin digər xəbərləri
