Bərdədə yanacaqdoldurma məntəqəsində yanğınla nəticələnən partlayış baş vermişdir
Bakı, 18 noyabr (AZƏRTAC). Bərdə şəhərində ümumi sahəsi 5 min kvadratmetr olan “Mürvət” yanacaqdoldurma məntəqəsində yanğınla nəticələnən partlayış baş vermişdir.
Fövqəladə Hallar Nazirliyindən AZƏRTAC-a bildirmişlər ki, yanğın nəticəsində yanacaqdoldurma məntəqəsinin ərazisində tutumu 8 ton olan boş yanacaq çəni və həcmi 25 ton olan yeraltı benzin çəni alışmışdır. Partlayış zamanı yanacaqdoldurma məntəqəsinin işçisi müxtəlif dərəcəli yanıq xəsarəti almışdır. Ərazidə olan iki yeraltı və bir yerüstü çən yanğından mühafizə olunmuşdur. Alov yanğınsöndürənlər tərəfindən söndürülmüşdür.
Hadisə ilə əlaqədar müvafiq qurumlar tərəfindən təhqiqat aparılır.
Bölmənin digər xəbərləri
