BERLİNDƏ BEYNƏLXALQ "İNNO-TRANS - 2004" SƏRGİSİ BAŞA ÇATMIŞDIR
Ümumdünya Dəmir Yolları Əməkdaşlıq Təşkilatının, Almaniya İqtisadiyyat və Əmək Nazirliyinin, Federal Dəmir Yolları Birliyinin təşkil etdiyi bu sərgidə dünyanın 35 ölkəsindən 1362 şirkət və səhmdar cəmiyyətin beynəlxalq standartlara uyğun istehsalı olan dəmir yol nəqliyyatı texnikası və avadanlığı nümayiş etdirilmişdir.
Dörd gün davam edən sərgi zamanı keçirilən seminar və məsləhətləşmələrdə sərgiyə çıxarılan texnika və avadanlığın müasir beynəlxalq dəmir yollarının inşasında və yeniləşdirilməsində tətbiqi, dəmir yollarının istismarı, maliyyə-iqtisadi və tarif məsələləri nəzərdən keçirilmişdir.
