“Beşiktaş” növbəti transferini reallaşdırıb
Bakı, 17 yanvar, AZƏRTAC
İstanbulun “Beşiktaş” futbol klubu qış transferi pəncərəsində Burak Yılmaz və İsimat Mirindən sonra üçüncü transferini reallaşdırıb.
AZƏRTAC klubun rəsmi saytına istinadla xəbər verir ki, Almaniyanın “Fortuna” klubunun 19 yaşlı yarımmüdafiəçisi Muhayer Oktay İstanbul təmsilçisi ilə 2023-cü ilədək müqavilə imzalayıb.
Oktay karyerasının ilk debütünü 2017-ci ildə “Fortuna” klubunda edib. Yarımmüdafiəçi cari mövsümdə alman klubunun heyətində 10 oyun keçirib.
Qeyd edək ki, Oktay 21 yaşadək futbolçulardan ibarət Türkiyə millisinin üzvüdür.
Bölmənin digər xəbərləri
