BESLANDAN 50 UŞAQ TÜRKİYƏNİN MƏŞHUR ANTALYA KURORTUNA DƏVƏT EDİLMİŞDİR

23.09.2004 [17:25]
Çap et
A⁺ A^-

AZƏRTAC xəbər verir ki, Beslanda törədilmiş qanlı faciə zamanı zərər çəkən uşaqlardan 50-si Türkiyənin Aralıq dənizi sahilindəki məşhur Antalya kurortuna müalicəyə və istirahətə dəvət edilmişdir. Türkiyənin nüfuzlu “Milliyyət” qəzetinin Moskvadakı nümayəndəsi Cəng Başlamış İTAR-TASS agentliyinin müxbiri ilə söhbətində demişdir ki, bu, Şimali osetiyalı uşaqların sağlamlığının bərpasına kömək etmək istəyən türk jurnalistlərinin kiçik bir töhfəsidir.

Qəzetin idarə heyətinin sədri xanım Xanzadə Doğan bildirmişdir ki, Rusiya ilə qonşu ölkənin xalqı Beslanda baş vermiş faciənin yaratdığı ağrı-acıya şərikdir. Biz Beslanda törədilən dəhşətli terroru hiddətlə pisləyirik. Bu müsibətlə əlaqədar qəlbimizi bürüyən qəzəb hissini ifadə etməyə söz tapa bilmirik.

Xatırladaq ki, “Milliyyət” qəzetinin Moskva şöbəsi 1986-cı ildən fəaliyyət göstərir və onun Cəng Başlamış, icmalçı Əli Birand kimi aparıcı müxbirlərinin reportajları xaricdə kifayət qədər geniş məlumdur və həmişə də böyük uğurla qarşılanır.

BESLANDAN 50 UŞAQ TÜRKİYƏNİN MƏŞHUR ANTALYA KURORTUNA DƏVƏT EDİLMİŞDİR

MÜƏLLİFLƏ ƏLAQƏ

Bölmənin digər xəbərləri