BƏSTƏKAR-PEDOQOQUN YUBİLEYİNƏ HƏSR OLUNMUŞDUR
25-də Ü.Hacıbəyovun ev - muzeyində istedadlı bəstəkar - pedaqoq Məmməd Cavadovun anadan olmasının 90 illiyinə həsr edilmiş yubiley mərasimi keçirilmişdir.
M.Cavadov özünün bir sıra əsərləri ilə (“Barı Naxçıvan”, “Aydın günlər”, “Nə qaldı”, “Sən məni duymayanda”, “Küləklər” və s.) musiqisevərlərin məhəbbətini qazanmışdır.
Mərasimi muzeyin direktoru Səadət Qarabağlı açaraq yubilyarı təbrik etdi və ona xoş arzularını çatdırdı. Bəstəkarlar İttifaqının birinci katibi, xalq artisti, professor Vasif Adıgözəlov, xalq artisti, professor Ramiz Quliyev, Dünya Azərbaycanlılarını Əlaqələndirmə Şurasının sədr müavini, Edinburq Universitetinin professoru Qulamrza Təbrizi, xalq artisti, professor Tofiq Bakıxanov və başqaları M.Cavadovun yaradıcılığından, Azərbaycan musiqi sənətinin inkişafındakı rolundan danışdılar.
Sonra incəsənət ustalarının ifasında bəstəkarın əsərləri səsləndirildi.
Bölmənin digər xəbərləri
