Beynəlxalq axtarışa verilən terrorçu Türkiyə təhlükəsizlik qüvvələrinə təslim olub
Ankara, 26 avqust, AZƏRTAC
İki terrorçu Türkiyənin Şirnak vilayətində təhlükəsizlik qüvvələrinə könüllü təslim olub.
AZƏRTAC xəbər verir ki, məlumatı Türkiyə Daxili İşlər Nazirliyi yayıb. Bildirilir ki, İraqda fəaliyyət göstərən bu terrorçular təbliğat yolu əsasında təslim olmaq qərarı veriblər. İnterpol onlardan biri haqqında qatı təhlükəli terrorçu kimi axtarış elan etmişdi. Bununla da cari ilin ilk günündən bu tərəfə Türkiyənin təhlükəsizlik qüvvələrinə təslim olan terrorçuların ümumi sayı 139 nəfərə çatıb.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
