BEYNƏLXALQ ELMİ SEMİNAR KEÇİRİLMİŞDİR
AZƏRTAC-ın müxbiri xəbər verir ki, seminarda AMEA-nın Radiasiya Problemləri İnstitutu, Bakı Dövlət Universiteti, Türkiyənin Süleyman Dəmirəl adına Universitetinin alim və mütəxəssisləri iştirak edirlər.
AMEA-nın Fizika İnstitutunun direktoru, professor Arif Həşimov seminarda çıxış edərək tədbirin Pyer və Mariya Küri adına Paris Universitetinin elmi mərkəzi ilə birgə təşkil olunduğunu bildirmişdir. Qeyd edilmişdir ki, institutun işçiləri artıq 5 ilə yaxındır ki, Paris Universitetinin elmi mərkəzi ilə əməkdaşlıq edir və onlar 2002-ci ildən bəri NATO-nun “Sülh naminə tərəfdaşlıq” Proqramının qrantı üzrə birgə elmi tədqiqat işləri aparırlar.
Fransanın ölkəmizdəki səfiri Rolan Blatman seminarın işinə uğurlar arzulamış, iki ölkə arasında elmi əməkdaşlığın əhəmiyyətindən danışmışdır.
Sonra seminar bölmə iclaslarında öz işini davam etdirmişdir.
