Beynəlxalq müsabiqələrdə qazanılan pul mükafatı vergiyə cəlb edilirmi?
Bakı, 11 may, AZƏRTAC
Beynəlxalq və ölkədaxili təşkil olunan müsabiqələrdə qalib gələn şəxslərə təqdim olunan pul mükafatı vergiyə cəlb edilirmi?
AZƏRTAC Dövlət Vergi Xidmətinə istinadla xəbər verir ki, müsabiqələrdən əldə olunan mükafatlar Vergi Məcəlləsinin 96-cı maddəsinə uyğun olaraq müsabiqənin iştirakçısının gəliri kimi gəlir vergisinin vergitutma obyektini təşkil edir.
Qeyd olunub ki, beynəlxalq yarışlarda və müsabiqələrdə ödəniş formasından asılı olmayaraq pul şəklində alınan mükafatların dəyəri 4000 manatadək, respublika, şəhər və rayon yarışlarında və müsabiqələrində isə 200 manatadək olan hissəsi vergiyə cəlb edilmir. Sözügedən məbləğdən artıq məbləğlər isə gəlir vergisinə cəlb olunur.
Bölmənin digər xəbərləri
