BEYRUTLULAR TONİ BLEYERİN SƏFƏRİNƏ ETİRAZLARINI BİLDİRİRLƏR
Livan parlamentinin deputatı Qasım Haşiminin sözlərinə görə, Britaniya hökuməti başçısının səfəri “müdhiş kinayədir”. Deputatlar ötən müharibədə ABŞ-dan İsrailə “ağıllı silah”ın gətirilməsinə kömək edən və BMT Təhlükəsizlik Şurasında Livanda atəşin təcili və qeyd-şərtsiz kəsilməsi barədə qətnamənin qəbul olunmasına mane olan bir şəxsin Beyruta gəlişini təxribat adlandırmışlar.
T.Bleyeri Livana Baş nazir Senyora ötən həftə dəvət etmişdir. Rəsmi Beyrut ümid bəsləyirdi ki, Britaniya lideri ölkəsinin İsraillə münasibətlərindən istifadə edərək, blokadanın götürülməsinə kömək göstərəcəkdir.
Bleyerin Beyruta qısa zəfəri zamanı Livan parlamentinin başçısı “Amal” şiə hərəkatının lideri Nəbih Berri ilə görüşəcəyi də gözlənilirdi. Lakin o, yüksək vəzifəli britaniyalı qonaqla görüşmək arzusunda olmadığını nümayiş etdirərək, İsveçrəyə qısamüddətli səfərə getmişdir.
Bölmənin digər xəbərləri
