BİLƏSUVAR OLİMPİYA İDMAN KOMPLEKSİNİN TİKİNTİSİ SÜRƏTLƏNİR
AZƏRTAC-ın müxbiri xəbər verir ki, Biləsuvarda Olimpiya İdman Kompleksinin (OİK) cari ilin axırınadək başa çatdırılması planlaşdırılır. "Azərbaycan Respublikası regionlarının sosial-iqtisadi inkişafı Dövlət Proqramı (2004-2008-ci illər)"na əsasən 2006-cı ildən inşasına başlanan və ümumi dəyəri 7,5 milyon manat təşkil edən iri idman qurğusunun 800 nəfər tamaşaçı üçün nəzərdə tutulmuş əsas korpusu, 50 nəfərlik mehmanxanası, üzgüçülük hovuzu və yeməkxanası artıq hazırdır. Hal-hazırda kompleksin tərkibinə daxil olacaq basketbol, voleybol, həndbol meydançaları, kotteclər və bir sıra yardımçı xidmət binalarının tikintisi davam etdirilir. OİK-in 5 hektarı əhatə edən ərazisində yaşıllaşdırma işləri də həyata keçirilir.
Bölmənin digər xəbərləri
