BİLƏSUVARDA 50 ÇARPAYILIQ UŞAQ XƏSTƏXANASI TİKİLİR
AZƏRTAC xəbər verir ki, Biləsuvar şəhərində dövlət vəsaiti ilə 50 çarpayılıq uşaq xəstəxana binasının tikintisi davam etdirilir.
Obyektdə qısa müddətdə 300 min manatlıqdan artıq inşaat işləri görülmüşdür. Yeni səhiyyə ocağı bu ilin axırınadək təhvil veriləcəkdir. Poliklinikası, müalicə və diaqnostika bölmələri, yüksək səviyyəli maddi-texniki bazası olacaq, peşəkar tibb heyətinin çalışacağı xəstəxana uşaqlar arasında müxtəlif xəstəliklərin profilaktikasını da həyata keçirəcəkdir.
Xəstəxana binasının bünövrəsi xeyli əvvəl qoyulsa da, tikinti işləri yarımçıq qalmışdı. Regionların sosial-iqtisadi inkişafı Dövlət Proqramı rayonda bu məsələnin də həllinə imkan yaratmışdır.
Bölmənin digər xəbərləri
