BİLL GEYTS MAAŞINA ƏLAVƏ İSTƏYİR

23.09.2004 [20:13]
Çap et
A⁺ A^-

AZƏRTAC xarici informasiya agentliklərinə istinadla xəbər verir ki, “Microsoft” şirkətinin iki ali rəhbəri 2004-cü maliyyə ilində məvacibinə əlavələr almışdır. Şirkətin baş direktoru Stiv Ballmerin və “Microsoft”un banisi və baş layihəçisi Bill Geytsin əmək haqqının və mükafatlarının məbləği 2003-cü maliyyə ilindəkinə nisbətən 4,4 faiz artmışdır.

Onlar cari maliyyə ilində hərəyə 901.667 dollar almışdır. Bunun 591.667 dolları əmək haqqının payına düşmüşdür, hərəyə 310 min dolları isə mükafat kimi almışlar. Bir il əvvəl Geytsin və Ballmerin hərəsinin əmək haqqı 550.000 dollar, mükafatları isə 313.477 dollar olmuşdur. Bundan başqa, onlar şirkətdən sığorta xərcləri üçün kompensasiya da almışlar ki, bu da heç 10 min dollar da eləmir.

Yeri gəlmişkən, Geytsin və Ballmerin əmək haqqı ABŞ iqtisadiyyatı üçün rekord deyildir. Lakin şirkətin hər iki rəhbəri planetin ən varlı adamları sırasına daxildir.

“Forbs” jurnalının məlumatına görə, Bill Geyts artıq 10 ildir dünyada ən zəngin adamdır, Stiv Ballmer isə bu siyahıda 19-cu yerdədir.