BİRLƏŞMİŞ ƏRƏB ƏMİRLİKLƏRİ NEFT HASİLATINI AZALDACAQDIR
AZƏRTAC xəbər verir ki, Yaxın Şərqdə üçüncü neft hasilatçısı olan Birləşmiş Ərəb Əmirlikləri (BƏƏ) neft hasilatını gündə təqribən 100 min barrel azaltmağı planlaşdırır.
Neft hasilatının azalması bu il oktyabrın 23-dən başlayaraq 40 gün ərzində davam edəcəkdir. Məsələn, “Lower Zakum” yatağında qazın nəql edilməsi üçün yeni avadanlığın quraşdırılması ilə bağlı hasilat gün ərzində 280 min barreldən 180 min barrelədək azaldılacaqdır. BƏƏ Dövlət Neft Şirkətinin nümayəndəsi bildirmişdir ki, bu iş azı 21 gün davam edəcəkdir.
Bununla bərabər, “Lower Zakum” yatağında neft hasilatının qismən dayandırılması ilə eyni vaxtda təbii maye qaz (TMQ) istehsal edən üç zavoddan birində texniki xidmət həyata keçiriləcəkdir. İldə 2 milyon tona qədər TMQ istehsal edə biləcək bu müəssisə yeni avadanlıqla təchiz edilmək üçün 40 günlüyə bağlanacaqdır.
Bölmənin digər xəbərləri
