“Bitcoin”in qiyməti artmağa davam edir
Bakı, 14 iyul, AZƏRTAC
ABŞ və Avropa İttifaqının xarici ticarət sahəsində qarşıdurması dərinləşdikcə, kriptovalyuta bazarında lider olan “Bitcoin”in qiyməti artmağa davam edir.
AZƏRTAC xəbər verir ki, bu barədə məlumat “Binance” platformasının göstəricilərində öz əksini tapıb.
Bakı vaxtı ilə saat 09:50-də “Bitcoin”in qiyməti tarixi maksimumu yeniləyərək 122 min ABŞ dollarını ötüb ki, bu da son beş sessiya ərzində 13,2 faiz artım deməkdir. Hazırda dünyanın ən populyar kriptovalyutasının dəyəri 122,4 dollardır.
Bir müddət öncə ABŞ Prezidenti Donald Tramp Meksika və Avropa İttifaqından idxal olunan mallara 30 faizlik gömrük rüsumunun tətbiq ediləcəyini açıqlayıb.
Qeyd edək ki, “Bitcoin” blokçeyn texnologiyası əsasında fəaliyyət göstərən, mərkəzləşdirilməmiş kriptovalyuta sistemidir. İstənilən istifadəçi bu kriptovalyutanı “mədənçilik” yolu ilə qazana bilər.
Konsepsiya ilk dəfə 2008-ci ilin noyabrında “Satoşi Nakamoto” təxəllüsü ilə tanınan şəxs və ya qrup tərəfindən təqdim edilib. Son illər onun populyarlığı əhəmiyyətli dərəcədə artıb. “Bitcoin”in emissiyası məhduddur və hazırda onun böyük hissəsi “mədənçilik” yolu ilə əldə olunub.
Bölmənin digər xəbərləri
